مجموعة كلينيك الذهبيه

140 ر.س

الوصف : 

Liquid Facial Soap Mild (الغسول 1.7oz) : 

الغسول لطيف على البشره على انه مخصص للبشره الدهنيه الا اني ما حسيت في جفاف في بشرتي ابدا ابدا وهذا الي خلاني احبه وأستخدمه يوميا نهار وليل وزياده على انه لطيف وخفيف على البشره ينظفها بعمق وتحسين بشرتك نظيفه وتلمع والاهم مافيها قشور او جلد ميت ، حبيته لكن بما اننا في الصيف وبشرتي تدهن كثير احتاج شي اقوى مثل غسولات نيتروجينا رووووعه للبشرات الدهنيه . 


Clarifying Lotion 2 (التونر3.4oz) :

تونر يستخدم بعد الغسول علشات ينظف بقايا الاوساخ ، التونر بالنسبه لي خطوه مهممه وجربت انواع كثير وكلهم حلوين يعني مافي واحد منهم بهرني لكن هذا يختلف تماما احسه غسول على هيئه تونر !! تنظيفه عميييق ما انصح فيه بعد الغسول ابدا لأنه راح يهيج البشره انا اول ما اصحى من النوم ما احب استخدم غسول علشان كذا هذا حل مناسب لي استخدم شوي في قطنه وامرره على كامل الوجه والرقبه يشيل الأوساخ والدهون تمااما ويغنيني عن الغسول في الصباح والي تعاني من اسمرار في الرقبه (بدون ما تكون مشاكل طبيه طبعا ) كل يوم مرتين مرري التونر على رقبك وشوفي الأوساخ كيف تطلع .



 Dramatically Different Moisturizing Lotion+ (المرطب 1oz):

المرطب هذا روووعه ومو أول مره أجربه خلصت قبل علبتين منه ، نفس الشي فيه انواع لكل البشرات الي جربته للبشره الدهنيه خفييف وتمتصه البشره بسرعه ترطيبه ممتاز جدا بحيث انه يرطب البشره بس ما تخليها تبين دهنيه وهذي مشكلة يعانون منها أغلب اصحاب البشره الدهنيه وعلى بالهم الحل أنهم ما يستخدمون مرطب !! خطأ لازم تستخدمين مرطب للبشره حتى لو بشرتك دهنيه لكم الأهم تلاقين النوع المناسب وهذا ممتاز حتى قبل الميكب

المتبقي 0
  • 140 ر.س
نفدت الكمية
المنتج غير متوفر حاليا

منتجات قد تعجبك